Көлік түрлері
Қала ішінде қозғалу
-
Францияда қоғамдық көлік жүйесі өте жақсы дамыған: автобустар, трамвайлар және метро.
Әр қалада қоғамдық көліктің кестесі мен тарифтері туралы ақпарат алуға болатын арнайы сайттар бар, мысалы:
Бордо: www.infotbc.com, Страсбург: www.cts-strasbourg.fr.
Сіз барлық қоғамдық көлік түрлеріне арналған жол жүру билетін тікелей аялдамадан немесе арнайы мекемелерден сатып ала аласыз (мысалы, Парижде Navigo картасы, Тулузада Pastel картасы).
Студенттер үшін айлық және жылдық абонементтерге арнайы жеңілдіктер қарастырылған. Көптеген қалаларда студенттік билет (чипі бар) қоғамдық көлікте жол жүру картасы ретінде пайдаланылуы мүмкін.
Француз студенттері арасында велосипед өте танымал. Көптеген қалаларда велосипед тебуге арналған арнайы жолақтар бар, олар қаланың орталығын студенттік кампустармен байланыстырады. Сонымен қатар, велосипедтерді жалға алу пунктері де қарастырылған, мысалы, Страсбург қаласында: www.velhop.strasbourg.eu.
-
Франция қалалары арасында немесе Еуропаға саяхаттау үшін сіз теміржол, әуе көлігі немесе автобустарды пайдалана аласыз.
Автобустар Франция мен Еуропаның көптеген бағыттарын қамтиды және қолжетімді бағамен қызмет көрсетеді. Поездармен салыстырғанда, билеттердің бағасы соңғы минутқа дейін төмен болып қалады. Жайлы орындықтар, Wi-Fi, электр розеткалары – автобустардың жайлылығы жыл сайын жақсарып келеді. Билеттерді келесі компаниялардан: Ouibus, Flixbus немесе Comparabus сайты арқылы брондауға болады.
Францияда 45-тен астам әуежай әртүрлі қалаларды байланыстырады. Париж Орли немесе Париж Шарль де Голль әуежайларынан Ницца, Тулуза, Лион, Марсель, Страсбург немесе Бордо қалаларына бір сағаттың ішінде жетуге болады.
Франция арқылы көптеген арзан авиакомпаниялар ұшады (лоукостерлер). Air France өзіне арзан бағадағы Transavia атты еншілес компаниясын ашқан, сондай-ақ ішкі рейстерге арналған Hop! еншілес компаниясын құрды. Компания 12-24 жас аралығындағы жолаушыларға арналған жастар картасын және 69 еуро тұратын демалыс күндері картасын ұсынады.
Парижден Лилльге немесе Лионнан Марсельге бір сағатта жету мүмкін бе? Бұл TGV (жоғары жылдамдықтағы пойыздар) арқылы мүмкін. Тіпті Лондон Парижден небәрі үш сағаттық қашықтықта орналасқан. Франция әлемдегі ең сәтті теміржол желілерінің біріне ие. Оны SNCF (Ұлттық теміржол компаниясы) басқарады. SNCF мобильді қосымшасы билеттерді брондауға мүмкіндік береді және оларды басып шығарудың қажеті жоқ.
Билеттердің бағасы сатып алу күніне және вагонның класына (бірінші, екінші) байланысты өзгеріп отырады.
Студенттер 12-28 жас аралығындағы жастарға арналған Carte jeune жеңілдік картасын сатып алу мүмкіндігіне ие, ол 50 еуро тұрады және теміржол билеттерін сатып алу кезінде айтарлықтай жеңілдік береді.
