Алматы мен Нұрсұлтанның Француз Альянстары Қазақстандағы француз тілі бойынша халықаралық емтихандар/тесттер өткізудің жалғыз аккредиттелген орталықтары болып табылады.
Француз тілін білу деңгейін анықтауға арналған емтихандар
Тілді меңгерудің жалпыеуропалық құзыреттілік шкаласы алты ішкі деңгейге бөлінген үш негізгі деңгейді анықтайды:
А деңгейі: кіріспе (A1) және өтпелі (A2) деңгейлерге бөлінген бастауыш деңгей.
В деңгейі: тәуелсіз меңгеру, өз ішінде екі деңгейге бөлінген: бастапқы немесе «өмір сүру деңгейі» (B1) және ілгері немесе «тәуелсіз деңгей» (B2). Ол «шектеулі құзыреттілікке» не «күнделікті жағдайларда тиісті жауап беруге» мүмкіндік беретін меңгеру дәрежесіне сәйкес келеді.
С деңгейі: еркін меңгеру, өз ішінде келесі деңгейлерге жіктеледі: кәсіби (еркін) меңгеру (C1) және толық меңгеру (C2).
Француз университеттеріне құжат тапсыру кезінде шетелдік студенттер өтінішіне француз тілін білу туралы келесі сертификаттардың бірін қоса беруі керек:
- DELF-DALF емтихандары
- TCF DAP тесті
Нұрсұлтан қаласының Француз Альянсы мен Алматы қаласының Француз Альянсы DELF-DALF емтихандары мен TCF тестінің аккредиттелген орталықтары болып табылады. Сонымен қатар, Алматының Француз Альянсы TEF тест тапсырудың аккредиттелген орталығы болып табылады.
DELF-DALF ЕМТИХАНДАРЫ
DELF-DALF дегеніміз не?
Француз тілінен DELF (Diplome d’Etudes en Langue Française) және DALF (Diplome Approfondi de Langue Française) емтихандары француз тілінен негізгі емтихандар және Францияның Білім Министрлігі шетелдік үміткерлердің француз тілін меңгеру деңгейін бағалау үшін беретін ресми дипломдар болып табылады. Олар тілді меңгеру деңгейінің жалпы Еуропалық шкаласының 6 деңгейіне сәйкес келетін 6 дипломнан тұрады (A1, A2, B1, B2, C1, C2).
Әр диплом бір-бірінен тәуелсіз. Осылайша, үміткер өз деңгейіне қарай емтиханға тікелей тіркеле алады.
DELF-DALF құрылымы қандай?
Әр деңгейде тілді меңгерудің 4 аспектісі бағаланады (олардың барлығы міндетті): ауызша сөйлеуді түсіну, жазбаша мәтінді түсіну, мәтін жазу, ауызша сөйлеу.
Жалпы балл - 100.
Диплом алу үшін қажетті шекті деңгей: 50/100.
Әр аспект үшін ең төменгі шекті балл: 5/25.
DELF-DALF дипломының жарамдылық мерзімі қандай?
DELF-DALF дипломының жарамдылық мерзімі шектелмейді.
Емтихандарды тапсырғаннан кейін қанша уақыттан кейін нәтижелер шығады?
DELF-DALF емтиханының нәтижелері тапсырылғаннан кейін бір айдан кейін белгілі болады. Ресми сертификат Франциядан 3-4 айдан кейін жіберіледі.
TCF ТЕСТІ МЕН TCF-DAP
TCF дегеніміз не?
Француз тілін білу тесті (TCF) – бұл ұлттық білім, жоғары білім және ғылыми зерттеулер Министрлігі құрған емтихан. Барлық үміткерлер Еуропа Кеңесінің жалпыеуропалық шкаласы бойынша (А1-ден С2-ге дейін) тілді меңгеру деңгейін растайтын нәтижелері бар сертификат алады. Сертификаттың қолданылу мерзімі-2 жыл.
Мақсаттарыңызға байланысты сіз TCF-тің алты нұсқасының бірін таңдай аласыз:
- TCF tout public (барлығы үшін)
- TCF DAP (талапкерлер үшін)
- TCF pour l'accès à la nationalité française (Француз азаматтығын алу үшін)
- TCF Québec
- TCF pour la carte de résident en France (Францияда тұруға рұқсат алу үшін)
- TCF Canada
Француз университетіне түсу үшін TCF DAP тесті тапсырылады.
TCF-DAP дегеніміз не?
TCF-DAP - Университетке алдын-ала жазылу үшін француз тілін білу тесті. Француз университеттеріне бакалавриаттың 1-ші жылына (Licence) алдын-ала жазылу өтінімі аясында орта білім туралы диплом алған және алатын шетелдік студенттер француз тілін білу тестін тапсыруы керек.
Университетке жазылудың соңғы шешімі француз тілін білу деңгейіне байланысты. Бұл жағдайда, үміткердің тілдік деңгейін бағалауға мүмкіндік беретін TCF Францияда одан әрі жоғары білім алу үшін қажет.
TCF емтиханының құрылымы қандай?
Міндетті модульдер: ауызша сөйлеуді түсіну, жазбаша мәтінді түсіну, грамматика және лексика
Қосымша модульдер: ауызша сөйлеу
Алынған ұпайларға байланысты Еуропа Кеңесінің жалпыеуропалық шкаласы бойынша (А1-ден С2-ге дейін) француз тілін меңгерудің деңгейі беріледі.
TCF сертификатының жарамдылық мерзімі қандай?
TCF сертификатының жарамдылық мерзімі екі жыл.
Емтихандарды тапсырғаннан кейін қанша уақыттан кейін нәтижелер шығады?
Компьютерде өту кезінде келесі модульдердің нәтижелерін алдын-ала растау дереу беріледі: ауызша сөйлеуді түсіну, жазбаша мәтінді түсіну, грамматика және лексика. Тесттен өтудің басқа модульдері мен басқа тәсілдері үшін нәтижелерді растау тестті өткеннен 15 жұмыс күнінен кейін беріледі. Таңдалған модульдерге байланысты ресми сертификат 2-ден 4 аптаға дейін беріледі.
Қазақстанда емтихандарды қайда тапсыруға болады?
Нұрсұлтан Француз Альянсы: contact@af-astana.kz, +7 7172 57 46 20, WhatsApp: +7 702 630 20 44
Алматы Француз Альянсы: examens@af-almaty.kz, +7 (727) 262 03 43, +7 707 292 19 20