Францияға оқуға түскендер екі түрдегі визаны рәсімдей алады: қысқа мерзімді және ұзақ мерзімді оқу визалары.
Қысқа мерзімді студенттік виза
Визаның бұл түрі 90 күнге дейінгі аралықта қысқа мерзімді тіл курстарына, тағылымдамаларға, алмасу бағдарламаларына және т.б. қабылданғандарға беріледі.
Құжаттарды тапсыру үшін студент https://france-visas.gouv.fr/ru/web/france-visas сайтында тіркеліп, виза формулярын толтыруы қажет. Формуляр толтырылғаннан кейін виза орталығында тапсыру үшін қажетті құжаттар тізімі шығады. Виза орталығына құжат тапсыруға сайт арқылы немесе телефон арқылы жазылуға болады.
Қазақстан азаматтары құжаттарын Алматы және Астана қалаларындағы VFS Global виза орталықтарына тапсыра алады.
Ұзақ мерзімді студенттік виза
Визаның бұл түрі жылдық тілдік курстар, бакалавриат, магистратура, докторантура сияқты ұзақ мерзімді оқу бағдарламаларына қабылданған студенттерге беріледі.
Визаның жарамдылық мерзімі – ең көбі бір жыл. Визаны заңдастыру үшін Францияға келгеннен кейін 3 ай ішінде кәмелетке толған студенттер OFII-де (онлайн) тіркеуден өтуі керек.
Франциядан кетуге екі ай қалғанда, студент келесі жылға арналған тұруға рұқсат алу (titre de séjour) үшін қаланың префектурасына жүгінуі керек. Қызметкер сізге қажетті құжаттар тізімін береді және оларды тапсыру күні мен уақытын (rendez-vous) белгілейді.
Кәмелет жасқа толғаннан кейін, кәмелетке толмаған студенттер оқу қаласындағы префектурада тұруға рұқсат (titre de séjour) рәсімдеуі керек. Кәмелетке толуына бір ай қалғанда, студент міндетті түрде өз қаласының префектурасына жүгініп, тұруға рұқсат алу үшін қандай құжаттар қажет екенін білуі керек. Тұруға рұқсатсыз студент Франция аумағынан шыға алмайды.
Құжаттарды тапсыру үшін студент https://france-visas.gouv.fr/ru/web/france-visas сайтында тіркеліп, визалық формулярды толтыруы қажет. Формуляр толтырылғаннан кейін визалық орталыққа қажетті құжаттар тізімі шығады. Визаға құжат тапсыруға сайт арқылы немесе телефон арқылы жазылуға болады.
Қазақстан азаматтары құжаттарын Алматы және Астана қалаларындағы VFS Global визалық орталықтарында тапсыра алады.
